Puisi bali anyar atau puisi bali modern

 

MATERI PUISI BALI ANYAR/PUISI BALI MODERN

PUISI BALI ANYAR/PUISI BALI MODERN  nenten malianan saking puisi ring basa Indonesia. Akeh sujana sane ngawedarang indik suksman puisi. Puisi inggih punika sahananing susastra sane madaging kalengutan basa , basa puisi cendek,  lengkarane ten panjang nanging prasida ngawedar daging-daging pikayunan sang sane nyurat.

 

Uger-uger nyurat puisi

1.    Unteng (tema) : mangda prasida nentuang unteng puisi sane jagi kakaryanin. Minakadi imba unteng puisi indik kaweruhan (Pendidikan), kenak (Kesehatan), manyama braya (sosiai), jinah (Ekonomi), tresna (Cinta), pasawitran (persahabatan) miwah sane lianan.

2.   Tipografi (gaya tulisan) : sangkaning indik wenten panyuratan puisinyane sekadi imba wenten sane rata ring kiwa lan kenawan, wenten sane bebas, wenten sane marep ke tengah.

3.   Rima : indik suara/ wanda kruna panguntat saking baris puisi sane ngawe puisine kapireng becik

4.   Diksi (pilihan kata): mangda prasida milihin kruna-kruna sane kaanggen ring puisi

5.   Imajinasi : imajinasi rikala nyurat puisi ngangge kruna-kruna sane macihna manut ring tema sane kacumawisang

6.   Paribasa (gaya bahasa) : puisine madaging paribasa mangda kapireng lengut

 

 

 

 

Uger-uger ngwacen puisi

1)    Wirasa (intepretasi) : ngeresepang daging puisi sane jagi kawacen.

2)   Wirama (olah vocal) : yening sampun uning suksman daging puisinyane anutang ring wiraman suara rikala ngwacen puisi (ngolah suara/vocal)

3)   Wiraga (gerak tubuh) : gerakan tubuh sane nganutang ring daging puisi

4)   Semita (ekspresi wajah): mimik wajah utawi semu rikala ngwacen puisi

5)   Wates lengkara (batas kalimat) : ring dija patut lengkara nyane kapunggel utawi jeda mangda polih mangsengan (ngatur nafas)